JE KUNA GHARAMA YA MKE KUMTII MUMEWE?

JE KUNA GHARAMA YA MKE KUMTII MUMEWE?

September 16, 2016

Siku zote katika Mapenzi bora usisaliti kabisa maana kovu la usaliti huwa ni gumu kufutika katika akili ya aliyesalitiwa, Ni vyema kila mmoja akawa na mtu sahihi, aridhike naye na wajenge familia. Kovu la usaliti lina gharama kubwa kufutika.

Unaweza ukaomba radhi na mwenzako akakuelewa lakini asirudishe imani kwako. Kila wakati atakuwa na wasiwasi na wewe. Anajiuliza kama alikuwa anakuwa anakupa kila kitu na ukamsaliti, kipi cha ziada atakachokufanyia na wewe usimsaliti? Maswali kichwani mwake yatakuwa mengi kuliko majibu hivyo ili kuepusha hayo yote yasitokee, bora usithubutu kabisa
kusaliti.

Kuna kasumba ambayo baadhi ya wanawake wanayo. Utandawazi umewakolea kwelikweli. Wanataka kuona wanawapanda vichwani wanaume zao. Eti mwanaume ammnyenyekee, amuogope, Amtii. Anamjibu mwanaume kadiri anavyojisikia. Hataki kuona anazidiwa kitu na mwanaume. Mwanaume akikasirika, akafoka kuhusu jambo fulani, naye anafoka. Anaonesha kwamba hamuogopi, anaweza kumfanya lolote atakalo.

Kujishusha kwake ni mwiko. Anaendesha mapambano na mumewe utafikiri akishinda kuna kombe anapewa. Anataka kuhakikisha mumewe ‘anaufyata’ kwake. Anamjibu kwa nyodo mumewe mbele ya majirani au marafiki zake bila hofu wala woga wa aina yoyote.

Suala la msingi ni kujiuliza, kwani kuna gharama gani mke akimtii mumewe? Mke akipanda na mumewe anafikiria nini? Hata kama ni ushindi, ukishamshinda mumeo, halafu nini kitafuata? Wewe uwe mkubwa zaidi ya mumeo?Ukijishusha, ukimheshimu mume mbona ina maana kubwa zaidi kuliko kutomtii. Itakuwa na faidia ya kiasili lakini pia utakuwa umeenda sanjari na mpango wa Mungu. Sisemi kwamba mwanaume hapaswi kumheshimu mkewe lakini mke anapaswa kumheshimu zaidi mumewe.

Comments